Xəbər verdiyimiz kimi, Sumqayıtda bu gün yağan yağış şəhərin bir sıra küçələrini suya qərq edərək sakinlərdə böyük narahatlıq yaradıb. Xeberle.com olaraq problemin həlli istiqamətində hansı addımların atıldığını öyrənmək üçün Sumqayıt şəhər Sukanal İdarəsi ilə əlaqə saxladıq. İdarədən verilən məlumata görə, hazırda yaranan problemin qarşısının alınması üçün tədbirlər görülür: " Sumqayıt şəhər Sukanal İdarəsinin kanalizasiya və su briqadası, rəhbərin şəxsən özü, müavinləri, sahə rəisləri və əlavə qüvvələr cəlb edilərək problemin həll olunması üçün işlər görülür. Gün ərzində Cavid Mallın qarşısı, Sülh küçəsi 1, İdrak liseyinin yanı, 29-cu məhəllənin bir hissəsindəki magistral xətlər açılıb. Hazırda bütün briqada 8-ci mikrorayon ərazsində işlər görür. Əsas problem İnşaatçılar qəsəbəsində qalıb".