"Sumqayıt Texnologiyalar Parkı” MMC qurumdakı kadr dəyişikliyilə bağlı iddialara cavab verib.
MMC-dən verilən məlumata görə, ötən gün "Sumqayıt Texnologiyalar Parkı” MMC ilə bağlı mətbuatda çıxan informasiya həqiqəti əks etdirmir.
"Çox təəssüflər olsun ki, bu cür dezinformasiya bir neçə media orqanı tərəfindən dəqiqləşdirilmədən tirajlanıbdır.
Bildirmək istəyirik ki, "Sumqayıt Texnologiyalar Parkı” MMC-nin təsisçisi ilə bağlı heç bir dəyişiklik olmayıb.
Emin Məmmədov bu ilin mart ayında təsisçinin qərarı əsasında "Sumqayıt Texnologiyalar Parkı” MMC-nin baş direktoru təyin olunub və bu barədə məlumat ictimaiyyətə açıqlanıb.
Xahiş edirik ki, "Sumqayıt Texnologiyalar Parkı” MMC ilə bağlı informasiyaları yaymamışdan qabaq ictimaiyyətlə əlaqələr şöbəsi ilə əlaqə saxlayasınız.
"Sumqayıt Texnologiyalar Parkı” MMC olaraq Sizinlə sağlam əməkdaşlığa hər zaman önəm veririk və bu əməkdaşlığın davamlı olmasını diləyirik”.
(
Modern.az)
Xəbərdən istifadə edərkən istinad etmək vacibdir.
