Oktyabrın 9-da Sumqayıtda Azərbaycan Respublikası Prezidenti yanında Qeyri-Hökümət Təşkilatlarına Dövlət Dəstəyi Şurasının maliyyə yardımı ilə "Qadın Təşəbbüsü və Sosial Problemlərin Həllinə Yardım” İB-nin icra etdiyi "Insan alverinin potensial qurbanlarının maarifləndirilməsi və onlara sosial xidmətlərin təşkili, insan alverinin qurbanlarının sosail reablitasıyasına yardım göstərilməsi,insan alveri sahəsində çalışacaq mütəxəssislərin hazırlanması” layihəsi çərçivəsində tarixində təşkilatın Sumqayıt şəhərində yerləşən ofisində "İnsan alveri ilə mübarizə sahəsində mütəxəssislərin maarifləndirilməsi" mövzusunda təlim keçirilib. Təlimin məqsədi insan alveri ilə mübarizə sahəsində çalışacaq mütəxəssislərin insan alverinin qurbanlarının reabilitasiya və reinteqrasiya qaydaları haqqında məlumatlandırmaq idi. Təlimdə Sumqayıt Dövlət Universitetinin Sosial-Psixologiya fakultəsinin müəllim və tələbəri iştirak ediblər.
Təlimdə ekspert qismində Azərbaycan Respublikasının Əmək və Əhalinin Sosial Müdafiə Nazirliyinin İnsan Alveri qurbanlarına yardım mərkəzinin direktoru Nəzakət Balabəyova çıxış edib.
Nəzakət Balabəyova iştirakçılara öncə "İnsan alveri nədir?” "İnsan alveri qurbanları və potensial qurbanlar kimlərdir?”, mövzuları barədə iştirakçılara məlumat verib. İnsan alverçiləri əsasən kimləri cəlb etmələri, insan alverinin qurbanlarının əsasən hansı növ zorakılıqlardan əziyyət çəkmələrindən danışan Nəzakət Balabəyova həmçinin insan alveri qurbanlarının ehtiyaclarının qiymətləndirilməsi barəsində danışıb.
Sonra N. Balabəyova Sumqayıt Dövlət Universitetinin Sosial-Psixologiya fakultəsinin tələbəsi, insan alverinə qarşı mübarizə sahəsində çalışmaq istəyən və Qadın Təşəbbüsü və Sosial Problemlərin Həllinə Yardım İçtimai Birliyində könüllü qismində çalışan Arifə Niftəliyevanı təqdim edib. A. Niftəliyeva hazırladığı təlim materiallarını iştirakçıların diqqətinə çatdırıb.
Təlimin gedişatında verilən sualları N. Balabəyova cavablandırıb.
Qarşılıqlı fikir mübadiləsi şəraitində keçən təlimdə hər bir iştirakçı təlim materialları ilə təmin edilib.
İştirakçıların sualları ekspert tərəfindən geniş cavablandırılıb.
Sonda təlimin qiymətləndirilməsinə dair sorğular keçirilib. Sorğularda iştirak etmiş iştirakçıların çox qismi təlim mövzusunun aktual olduğunu qeyd edib.
Xəbərdən istifadə edərkən istinad etmək vacibdir.
