2015-ci ilin sentyabr ayından etibarən Sumqayıt Dəmiryol vağzalının binası sökülüb və 2 il keçməsinə baxmayaraq bina hələ də sərnişinlərin istifadəsinə verilməyib.

Məsələ ilə bağlı Azərbaycan Dəmir Yolları QSC-nin mətbuat xidmətinin rəhbəri Sevinc Qədirova ilə əlaqə saxladıq. S.Qədirova Xeberle.com-a açıqlamasında bildirib ki, binada tikinti işləri başa çatdırılıb: "2015-ci ilin sentyabr ayında sahəsi 10 min kvadratmetr olan beşmərtəbəli Sumqayıt sərnişin stansiyasının binası yararsız halda olduğu üçün sökülüb, yerində yeni ikimərbəli inzibati binanın tikintisinə başlanılıb. Yeni inzibati bina ikimərtəbəli, müasir üslubda olacaq. Burada çalışan dəmiryolçular üçün hər cür şərait yaradılacaq. Binada tikinti işləri başa çatıb. Maliyyə çətinliyi ilə əlaqədar qapı-pəncərələrin qoyulması, metlax, kafel vurulması, rəngsaz işləri ləngiyir”.