Hələ sovet dönəmində tüstü bacaları hər il qış fəsli gəlməmiş təmizlənərdi. Bu işi Mənzil Kommunal Təsərrüfat İdarələri həyata keçirirdi.
Bəs görəsən indi bu cür təmizləmə işlərinin aparılmamasının səbəbi nədir?
Məsələ ilə bağlı Sumqayıt Mənzil Kommunal Təsərrüfatı İstehsalat Birliyi ilə əlaqə saxladıq. Qurumun baş mühəndisi Atəş Məmmədov Xeberle.com-a bildirdi ki, tüstü bacalarının təmizlənməsi üçün "JEK"lərdə nə səlahiyyət, nə də pul var: "Tüstü bacalarını təmizləmək bizim səlahiyyətimizdə deyil. Əvvəllər könüllü fəaliyyət göstərən Yanğın Mühafizə Cəmiyyəti vardı, onlar buna baxırdılar, təmizləyirdilər. Artıq 20 ilə yaxındır ki, bu idarə ləğv olunub. Tüstü bacalarının təmizlənməsi üçün isə bizə vəsait ayrılmır."
Sumqayıt şəhər İcra Hakimiyyətinin sözçüsü Eyvaz Qocayev isə bildirdi ki, tüstü bacalarını təmizləyən dövlət qurumu mövcud deyil: "Bu iş bizim səlahiyyətimizdə deyil, bununla özəl şirkətlər məşğul olur. İndiki bütün mənzillər özəlləşdirilib və hamının öz şəxsi mənzili və ya evi var."
Hicranə İsmayılova
Xeberle.com
Xəbərdən istifadə edərkən istinad etmək vacibdir.
