Uşaq bağçalarında aparılan metodiki işlərin vəziyyəti, uşaqların təlim-tərbiyəsi və ərzaq təminatı məsələsi ciddi nəzarətdə saxlanılıb, bağçalarda istilik sistemi tam bərpa olunub və onlar isti su ilə təmin edilib.

Xeberle.com məlumat verir ki, bu fikirlər Sumqayıt şəhərində 2017-ci ilin son 9 ay ərzində sosial-iqtisadi inkişafının yekunları və qarşıda duran vəzifələrə həsr olunmuş hesabat yığıncağında səsləndirilib.

Qeyd edək ki, təmirə ehtiyacı olan 44 bağçada Şəhər İcra Hakimiyyətinin yaxından köməyi və daxili imkanları hesabına təmir işləri aparılıb. Təmir işləri qida bloku, sanitar qovşaqları, elektrik naqilləri, avadanlıqlar, musiqi otaqları və digər yerlər nəzərə alınmaqla bütün bağçanı əhatə edib. Hesabat dövründə tibb xidmətinin bütün sahələr üzrə yaxşılaşdırılması, xəstəliklərin profilaktikası, əhaliyə, eləcə də ana və uşaqlara göstərilən təcili və təxirəsalınmaz tibbi xidmətin keyfiyyətinin artırılması, əlilliyin azaldılması və reabilitasiyası sahəsində də müvafiq tədbirlər həyata keçirilib.