Özü sağdır, amma 2003-cü ildən adına qəbir qazılıb və ölü kimi qeydiyyatdadır. Qəribə hadisə Abşeron rayonunun Saray qəsəbəsində qeydə alınıb. Qəbir daşında36 yaşlı Bayramov İlham Davud oğlunun 2003-cü ilin dekabrın 29-da dünyasını dəyişdiyi bildirilir. Maraqlısı odur ki, həmin şəxs sağdır və Saray qəsəbəsində yaşayır. İlham uzun müddətdir psixi problemlərdən əziyyyət çəkir. 14 ildir ki, onu öldü biliblər, amma son 4-5 ayda İlham Bayramov peyda olub. Saray Cümə Məscidinin axundu isə deyir ki, bu məsələdən yeni xəbər tutublar İlham adıyla dəfn olunanın isə başqası olduğu ehtimal edilir. İlham Bayramovun Yaxınları isə şifahi olaraq bildirdilər ki, 2003-cü ildə İlhamın dünyasını dəyişməsi barədə xəbər gəlib. Onun hesab edilən nəşi qeydiyyatda olduğu Salyan Rayonlarası Psixiatriya xəstəxanasından Saraya göndərilib. Meyitin açılmasına imkan verilməyib. Yaxınları da 14 ildir ki, onu öldü biliblər və son aylar sağ olmasından xəbər tutublar.
RAMİL ZEYNALLI
Xəbərdən istifadə edərkən istinad etmək vacibdir.
