Zərnitac Rəhimova kimi Saray qəsəbəsinin sakinləri 522 saylı marşrut xəttinin bağlanmasından şikayətçidirlər.
Abşeron rayonunun Saray qəsəbəsindən Sumqayıta və əks istiqamətdə hərəkət edən marşrutun artıq neçə gündür ki, fəaliyyəti dayandırılıb. Narazı sakinlər etiraz əlaməti olaraq ərazidən keçən yolu bağlamağa cəhd ediblər. Şəhər İcra Hakimiyyətindən isə bildirildi ki, 522 saylı maşrut xəttinin bağlanması avtobusların kiçik həcmli olması və standartlara cavab verməməsi ilə əlaqədardır. Yaxın günlərdə həmin xətt iritutumlu avtobuslarla təmin ediləcək və yaranan problem aradan qaldırılacaq.
Xəbərdən istifadə edərkən istinad etmək vacibdir.
