İndi sizə təqdim edəcəyimiz süjet bir fotodan bəhs edir. Hansı ki, bu fotoda Azərbaycan Silahlı Qüvvələrinin generalı şəhid anasının əlini öpməsi əksini tapıb. Azərbaycan dövlətinin öz şəhidinə və onun yaxınlarına verdiyi qiymətin nümunəsi olan bu foto Ermənistanda da son günlərin əsas müzakirə məsələsinə çevrilib. Xüsusi ilə sosial şəbəkələrdə insanlar bu fotonu erməni dövlətinə və zabitlərinə örnək göstəriblər. Onlar bildiriblər ki, Azərbaycan şəhid valideyninə belə bir ehtiram göstərdiyi halda Ermənistanda şəhid və əsgər anaları dəyələrklərlə qarşılanır. Onların haqlı tələblərlə keçirdikləri aksiyalar zorakılıqla dağıdılır.
General şəhid anasının əlini öpdü, ermənilər də bunu öz generallarına nümunə göstərdilər.
1 həftə əvvəl Azərbaycan Texniki Universitetində anım tədbiri keçirilib. Mərasimdə 1997-ci ildə şəhid olan kəşfiyyatçı Anar Rzayevin anası Siyafət Rzayevaya medal təqdim edilib. Medalı şəhidin anasına sabiq birləşmə komandiri, ehtiyatda olan general-leytenant Yaşar Aydəmirov təqdim edib. Bu zaman general ehtiram əlaməti olaraq şəhid anasının əlini öpüb və hüzurunda baş əyib.
1997-ci ildə döyüş tapşırığını yerinə yetirə ananr rzayev və onunla birlikdə şəhid olmuş qəhrəmanlar barədə sənədli film çəkilib. Filmin təqdimatı da şəhidlərdən birinin övladının təhsil aldığı Ali Məktəbdə təşkil edilib. Yaşar Aydəmirov da şəhid anasının əlini o mərasimdə öpüb.
Bu hadisə ermənistanda da gündəmin əsas məsələslələrindən birinə çevrilib və sosial şəbəkələrdə böyük müzakirələrə səbəb olub. Erməni "facebook" istifadəçiləri də ehtiyatda olan general-leytenant Yaşar Aydəmirovun həmin fotosunu sosial şəbəkədə paylaşıblar. Fotoya "Azərbaycanlı general şəhid anasının hüzurunda. Təəssüf ki, bizdə belə deyil" qeydini də əlavə ediblər. Yayılan fotoya şərhlərdə isə istifadəçilər bilidiriblər ki, şəhid və əsgər analarını nəyinki əlini öpən, onları qəbul edən belə yoxdur. Onlar daim fiziki zorakılığa məruz qalıb haqlı tələblərini tələb edərkən dəyənəklərlə döyülərək dövlət qurumlarının qarşısından qovulublar.
Ermənilər etiraf edib ki, artıq gənclərdə vətənpərvərlik deyə bir şey qalmayıb. Bu duyğunu isə elə başda dövlət özü öldürüb. Erməni əsgərləri nəyin uğrunda belə öldüklərini bilmirlər.

Xəbərdən istifadə edərkən istinad etmək vacibdir.