Hazırda informasiyanın bol olduğu bir dövrdə yaşayırıq. Müasir texnologiyanın imkanları cəmiyyətimizdəki insanların dolğun məlumat əldə etməsi üçün seçim imkanını artırır və bunun nəticəsində hər kəs öz zövqünə uyğun gələn informasiya vasitələrinə müraciət etmək imkanı əldə edir.
Bəs görəsən, Sumqayıtın ziyalıları informasiyanı ən çox haradan, hansı Kütləvi İnformasiya Vasitəsindən əldə edirlər?
Xeberle.com olaraq şəhərimizin ziyalıları arasında kiçik bir sorğu apardıq.
Eyruz Məmmədov, jurnalist: "Mən informasiyanı adətən sosial şəbəkələrdən əldə edirəm. Sumqayıtda yaşadığım üçün ilk növbədə xeberle.com, sumqayıtxeber.com və sumqayıtfakt.az saytlarından məlumat alıram. Bakıdakı saytlardan isə informasiyanı modern.az, azpress.com xəbər portallarından əldə edirəm. Bundan başqa mütəmadi olmasa da, "İctimai Radio” və "Azərbaycan Dövlət Radiosu”nu dinləyirəm. Dünyada gedən siyasi proseslər barədə məlumat əldə etmək üçün isə rus kanallarında gedən xəbərlər informasiya proqramlarını izləyirəm”.
Ofelya Babayeva, Respublikanın əməkdar müəllimi, "Şöhrət” ordenli, "Araz” ali ədəbi mükafatı laureatı, "Sevil Qadınlar Cəmiyyəti” Sumqayıt şəhər təşkilatının sədri: "İnformasiyanı ən çox moderator.az, kulis.az, oxu.az, xeberle.com saytlarından əldə edirəm. Xeberle.com saytı yalnız şəhərimizdə deyil, respublikamızda baş verən hadisələri yayımlamaqda da operativdir”.
Rafiq Yusifoğlu, şair, "Göyərçin” jurnalının baş redaktoru: "Evdə olmadığım zaman informasiyanı radiodan, evdə olanda isə sosial şəbəkələrdən əldə edirəm”.
Əşrəf Veysəlli, şair, Həmkarlar Ittifaqı Sumqayıt şəhər Kоmitəsinin və Respublika Mədəniyyət Fоndu Sumqayıt şöbəsi idarə Heyətinin sədri: "İnformasiyanı ən çox televiziyadakı xəbərlərdən və xəbər saytlarından, nadir hallarda isə qəzetlərdən əldə edirəm”.
Mətanət Məhərrəmova, Qızıl Aypara Cəmiyyətinin Sumqayıt bölməsinin rəhbəri: "İnformasiyanı əsasən xəbər saytları və sosial şəbəkədən əldə edirəm. Bizim şəhərlə bağlı olan və digər informasiyaları əldə etmək üçün xeberle.com saytını oxuyuram”.
Firudin Məhərrəmli, Sumqayıt Dövlət Dram Teatrının baş rejissoru, ssenarist, əməkdar artist: "Televiziya kanallarındakı xəbərləri izləyərək informasiya əldə edirəm. Amma ən çox sosial şəbəkələrdəki informasiya portallarını izləyərək orada yazılan məlumatları oxuyuram”.
Günel Eyvazlı, şair, Azərbaycan Yazıçılar Birliyinin üzvü: "Ümumiyyətlə xəbərləri izləməyi sevirəm. İşdən gələn kimi axşam televiziya kanallarından axşam xəbərlərini izləyirəm. Bundan başqa bir neçə obyektivliyinə, qərəzsizliyinə inandığım saytlar var, daim onları oxuyuram. Həmçinin sosial şəbəkədə rastıma çıxan və məni qane edən xəbərlərə mütəmadi olaraq baxıram”.
Mətanət Pirquliyeva, Sumqayıt Dövlət Kollecinin direktoru: "Bütün Kütləvi İnformasiya Vasitələrindən məlumat almağa çalışıram”.
Elnarə Salamova
Xeberle.com
Xəbərdən istifadə edərkən istinad etmək vacibdir.
