Bu sözləri Xeberle.com-a şikayətçi olan Nərminə Əliyeva bildirib. O qeyd edib ki, bu ərazi Sumqayıt şəhər, 53-cü məhəllə Daş bazarının arxası, Saray körpüsünün yanıdır. "Burada olan antisanitar vəziyyət əhalinin sağlamlığına xeyli ziyan vurur. Nəzərə alsaq ki, uşaqların orqanizmi daha həssasdır və burada xeyli uşaq var, vəziyyət acınacaqlıdır. Sakinlərdən birinin vəziyyəti ağırlaşanda, yolların vəziyyətinə görə təcili yardımın gəlməsində problemlər yaranır. Bir yola görə kimsə bir gün niyə axı dünyasını dəyişməlidir?!"

Ümidvarıq ki, əlaqədar qurumlar məsələyə operativ reaksiya verərək problemi tezliklə həll edəcəklər.