Sumqayıtda "Sumqayıt şəhəri ümumi təhsil müəssisələrində çalışan psixoloqların bilik və bacarıqlarının artırılması sahəsində tədbirlər” layihəsi çərçivəsində növbəti təlim keçirilib.

Xeberle.com xəbər verir ki, təlim layihənin icrasına texniki dəstək göstərən təşkilatlardan biri olan "Qadın Təşəbbüsü və Sosial Problemlərin Həllinə Yardım” İctimai Birliyində təşkil edilib.

"Çətin tərbiyə olunan uşaqlarla iş” mövzusuna həsr edilən təlim tanınmış mütəxəssislərdən biri olan Hüseyn Xəlilov tərəfondən aparılıb. Sumqayıt şəhər orta məktəblərindən seçilmiş 25 psixoloqun iştrak etdiyi təlimi giriş sözü ilə açan layihənin rəhbəri, Sumqayıt şəhəri M.Müşfiq qadına 34 saylı orta məktəbin psixoloqu Sevda Mustafayeva iştirakçılara Azərbaycan Respublikası Təhsil Nazirliyinin təhsildə inkişaf və innovasiyalar qrant müsabiqəsinin məqsədləri və müsabiqə çərçivəsində həyata keçirilən "Sumqayıt şəhəri ümumi təhsil müəssisələrində çalışan psixoloqların bilik və bacarıqlarının artırılması sahəsində tədbirlər” layihəsi barədə geniş və ətraflı məlumat verib. O, layihənin məqsədi, həyata keçiriləcək tədbirlər barədə danışıb. Layihə çərçivəsində psixoloqların bilik və bacarıqlarının artırılmasına dair təlim və seminarların təşkili tədbir iştrakçıları tərəfindən maraqla qarşılanıb. Təlimçi Hüseyn Xəlilov mövzu haqqında geniş məruzə ilə çıxış edib, iştirakçıları maraqlandıran sualları cavablandırıb. İnteraktiv formada təşkil edilən təlimdə məktəb psixoloqları aktiv iştrak ediblər.

Xatırladaq ki, layihə çərçivəsində daha bir neçə mövzuda məktəb psixoloqlarının bilik və bacarıqlarının artırılması üçün təlimlər təşkil ediləcək. Azərbaycan Respublikası Təhsil Nazirliyinin təhsildə inkişaf və innovasiyalar qrant müsabiqəsi ərçivəsində həyata keçirilən "Sumqayıt şəhəri ümumi təhsil müəssisələrində çalışan psixoloqların bilik və bacarıqlarının artırılması sahəsində tədbirlər” layihəsinin icrası 22 dekabr 2017-ci il tarixinə kimi davam edəcək.