Bu gün səhər saatlarından "ATV plyus" kanallarının yayımında problem yaranıb.
Sözügedən kabel televiziyası vasitəsilə İran kanalları efirə gedib.
Məsələ ilə əlaqədar Axar.az-a açıqlama verən ATV-nin İctimai siyasi verlişlər departamentinin rəhbəri Vaqif Aydınoğlu yayımda heç bir problemin olmadığını, fasilənin əvvəlcədən elan edilən profilaktika səbəbindən yarandığını deyib.
"ATV plyus” Bakı teleqülləsində aparılacaq kompleks profilaktik tədbirləri ilə əlaqədar 4 dekabr saat 06:00-dan 15:00-dək "ATV plyus"un yayımında müvəqqəti fasilə yaranacağı barədə dünən sosial şəbəkələr vasitəsilə məlumat vermişdi.
Qeyd edək ki, hazırda bu kabel televiziyası üzərindən yalnız "Xəzər” kanalının yayımı bərpa olunub.

Xəbərdən istifadə edərkən istinad etmək vacibdir.