Məlumdur ki,
bu ilin yanvar ayının 1-dən etibarən "Tütün məmulatlarının istifadəsinin məhdudlaşdırılması
haqqında" qanun qüvvəyə minib. Qanuna əsasən, siqaret, sulu qəlyan və
elektron siqaretdən bir çox yerlərdə istifadə edilməsinə görə cərimə tətbiq
ediləcək.
Bəs Sumqayıtda fəaliyyət göstərən marşrut avtobuslarında bununla
bağlı nə kimi tədbirlər görülüb?
Bu haqda məlumat
əldə etmək üçün Xeberle.com olaraq
Sumqayıt şəhər İcra Hakimiyyətinin başçısı yanında Avtomobil Nəqliyyatı
ilə Sərnişindaşıma İdarəsilə əlaqə saxladıq.
İdarədən
bildirilib ki, sürücülər bununla bağlı mütəmadi olaraq maarifləndirilir:
"Siqaret millətimizin sağlamlığına, ətraf mühitə zərər vurur. Bununla bağlı
sürücülərlə də hər gün mütəmadi olaraq görüşlər keçirilir və onlar məlumatlandırılır
ki, siqaret çəkdikləri təqdirdə işlərindən azad olunacaqlar. İdarə tərəfindən
siqaretə qarşı xüsusi nəzarət tədbirləri
həyata keçirilir. Sumqayıt Nəqliyyat Məhdud Məsuliyyətli Cəmiyyətinin işçiləri
yolda duraraq, belə halların baş verməməsi
üçün nəzarət edirlər. Bundan başqa
avtobuslarda siqaretə qarşı qadağanedici
nişanlar da qoyulub”.
Elnarə
Salamova
Xeberle.com
Xəbərdən istifadə edərkən istinad etmək vacibdir.
