Azərbaycanda bir sıra sahələrdə xidmətləri
olan şəxslər müxtəlif təltiflərə layiq görülür ki, bu təltiflərdən biri də
"Şöhrət” ordenidir.
"Şöhrət" ordeni Azərbaycan
Respublikasının vətəndaşlarına, əcnəbi vətəndaşlara və vətəndaşlığı olmayan şəxslərə
iqtisadi, elmi-texniki, sosial-mədəni inkişafda, sülhün və xalqlar arasında
dostluğun möhkəmləndirilməsində və əməkdaşlığın inkişafında, elm, təhsil və səhiyyə
sahəsində xüsusi xidmətlərinə, sənaye, nəqliyyat, rabitə, tikinti sahələrində və
xalq təsərrüfatının digər sahələrində görkəmli əmək nəticələrinə görə
verilir.
Xeberle.com olaraq Sumqayıtın "Şöhrət"
ordeni ilə təltif olunan şəxslərin siyahısını sizə təqdim edirik:
Zakir Fərəcov– Hazırda Sumqayıt şəhər İcra Hakimiyyətinin başçısıdır.
Abşeron rayonunun yaradılmasının 50
illiyi münasibətilə və rayonun sosial-iqtisadi inkişafındakı xidmətlərinə görə 26 dekabr 2012-ci il tarixli 2625 saylı Azərbaycan
Respublikası Prezidentinin Sərəncamına əsasən "Şöhrət" ordeni ilə,
Sumqayıt şəhərinin sosial-iqtisadi inkişafında xidmətləri olan şəxslərin təltif
edilməsi haqqında 4 oktyabr 2016-cı il tarixli Azərbaycan Respublikası
Prezidentinin Sərəncamı ilə 2-ci dərəcəli "Vətənə xidmətə görə” ordeni ilə təltif
olunub.
Gülbahar Vəliyeva – Sumqayıtda gənclər təşkilatının üzvü olan Gülbahar Vəliyeva 1954-cü
ildə şəhərimizdə keçirilən və qadınlara həsr olunan ilk tədbirdə ən birinci fəxri
fərman alan qadın olub. İki dəfə deputat olan Gülbahar xanım Sumqayıtın 55
illiyində Azərbaycan Prezidenti İlham
Əliyevin sərəncamı ilə "Şöhrət” ordeni ilə təltif olunub.
Tofiq Abdullayev - Prezident İlham Əliyevin sərəncamı ilə 2004-cü ildə Sumqayıt şəhərinin 55 illiyi münasibətilə şəhərin inkişafında xüsusi xidmətlərinə görə "Şöhrət" ordeni ilə təltif edilib.
İbrahimov İbrahim Eldar oğlu - Prezident İlham Əliyevin sərəncamı ilə 2012-ci ildə XIV London Yay Paralimpiya Oyunlarında qazandığı yüksək nailiyyətlərə, habelə Azərbaycan idmanının inkişafındakı xidmətlərinə görə "Şöhrət" ordeni ilə təltif edilib.
Mustafa Salahov - Prezident İlham Əliyevin sərəncamı ilə 2004-cü ildə Sumqayıt şəhərinin 55 illiyi münasibətilə şəhərin inkişafında xüsusi xidmətlərinə görə "Şöhrət" ordeni ilə təltif edilib.
Müzəffər Gülümov - Prezident İlham Əliyevin sərəncamı ilə 2004-cü ildə Sumqayıt şəhərinin 55 illiyi münasibətilə şəhərin inkişafında xüsusi xidmətlərinə görə "Şöhrət" ordeni ilə təltif edilib.
Minarə Tahirova– Azərbaycanın əməkdar müəllimidir. O əvvəlcə 12 saylı məktəbdə ibtidai sinif
müəllimi, sonra indiki 10 saylı məktəbdə direktor müavini işləmiş, 23 saylı məktəbdə
direktor vəzifəsidə çalışıb.1981-1983-cü illərdə Sumqayıt Şəhər Təhsil Şöbəsinin
müdiri, 1983-1986-cı illərdə Sumqayıt şəhər Partiya Komitəsinin ikinci katibi vəzifəsində
işləyib. 1987-ci ildən 2011-ci ilədək Sumqayıt şəhəri N.Gəncəvi adına Texniki və
Təbiət Elmləri təmayüllü Liseyin direktoru olub. Həmin lisey uzun müddət
Sumqayıtda "Minarənin liseyi" adı ilə tanınıb. 2006-cı ildə "Şöhrət"
ordeni ilə təltif edilib.
Ofelya Babayeva- Respublikanın əməkdar müəllimi, "Araz” ali ədəbi mükafatı laureatı, "Sevil Qadınlar Cəmiyyəti” Sumqayıt şəhər təşkilatının sədri, keçmiş Maarif müdiri və məktəb direktoru, şair, neçə-neçə kitab müəlifidir. Əmək fəaliyyətinə müəllim kimi başlayıb. 1987-1997-ci illərdə Sumqayıt şəhər Təhsili Şöbəsinin müdiri işləyib.
1997-2015-ci illərdə 11 saylı orta məktəbin direktoru olub. 2009-cu ildə
Sumqayıt şəhərinin 60 illiyi münasibətilə şəhərin sosial-iqtisadi
inkişafında göstərdiyi xidmətlərinə görə, "Şöhrət” ordeni ilə təltif edilib.
Vaqif Qəhrəmanov- 1980-1992-ci illər, 1993-1995-ci illərdə
Sumqayıt şəhər səhiyyə şöbəsinin müdiri vəzifəsində çalışıb. Daha sonra
Sumqayıt Şəhər Təcili Tibbi Yardım Xəstəxanasının baş həkimi kimi fəaliyyət
göstərib. 2009-cu ildə Sumqayıt şəhərinin 60 illiyi münasibətilə şəhərin
sosial-iqtisadi inkişafında göstərdiyi
xidmətlərinə görə, "Şöhrət” ordeni ilə təltif
edilib.
Cəfər Quliyev- Respublika əhəmiyyətli "Əmək
veteran"ı, Sumqayıtın Səhiyyə İşçiləri Ağsaqqallar Şurasının sədri, Azərbaycanın
iki nüfuzlu yaradıcılıq təşkilatının - Yazıçılar və Jurnalistlər Birliklərinin
üzvü, tanınmış cərrahdır. Vaxtilə iki dəfə Sumqayıt şəhər Sovetinin deputatı
seçilib, 52 il ərzində on minlərlə adama şəfa bəxş edib, yüzlərlə adamı ölümdən,
yüzlərlə ailəni bədbəxtlikdən xilas edib.
Əli Nəcəfov– 2009-cu ildə Sumqayıt şəhərinin 60 illiyi
münasibətilə şəhərin sosial-iqtisadi inkişafında göstərdiyi xidmətlərinə görə, "Şöhrət” ordeni ilə təltif edilib.
Təvəkgül Məmmədov – Sumqayıt şəhər İcra Hakimiyyətinin sabiq başçısı. 2009-cu ildə Sumqayıt şəhərinin 60 illiyi
münasibətilə şəhərin sosial-iqtisadi inkişafında göstərdiyi xidmətlərinə görə, "Şöhrət” ordeni ilə təltif edilib.
Eldar İsmayılov–
Sumqayıt Şəhər İcra Hakimiyyətinin sabiq başçısı, Məcburi Köçkünlərin Sosial
İnkişaf Fondunda işlər idarəsinin müdiri-aparatın rəhbəri (2014-cü ildən).
2009-cu ildə Sumqayıt şəhərinin 60 illiyi münasibətilə şəhərin sosial-iqtisadi
inkişafında göstərdiyi xidmətlərinə görə, "Şöhrət” ordeni ilə təltif edilib.
Xəndan Əhmədov- Sumqayıt şəhər Yüksək Gərginlikli
Elektrik Şəbəkənin rəisidir. 2009-cu ildə
Sumqayıt şəhərinin 60 illiyi münasibətilə şəhərin sosial-iqtisadi
inkişafında göstərdiyi xidmətlərinə görə, "Şöhrət” ordeni ilə təltif edilib.
İlham Zəkiyev- Azərbaycanlı paraolimpiyalı cüdoçu, ikiqat Paralimpiya Oyunları çempionu,
ikiqat dünya çempionu və yeddiqat Avropa çempionu, Avropa Oyunları çempionu, Azərbaycanın
Əməkdar İdman Ustası, 6-cı dan sahibi, Qarabağ müharibəsi əlili və qazisidir. I
Avropa Oyunlarında qazanılmış yüksək nailiyyətlərə və Azərbaycan idmanının
inkişafında böyük xidmətlərinə görə "Şöhrət” ordeni ilə təltif edilib.
Rafael Ağayev- Dünya karatesinin canlı əfsanəsi, beynəlxalq karate aləminin "qara brilliantı” adlandırılan, beşqat dünya
və 13 qat Avropa çempionu, I Avropa
oyunlarının qalibi olmuş Rafael Ağayev I Avropa Oyunlarında qazanılmış yüksək
nailiyyətlərə və Azərbaycan idmanının inkişafında böyük xidmətlərinə görə
"Şöhrət” ordeni ilə təltif edilib.
Elvin Məmişzadə- Boks üzrə milli komandamızın üzvü, 2010-cu ildə Moskvada keçirilən Avropa
çempionatının gümüş, 2013-cü ildə Minskdəki qitə çempionatının bürünc
mükafatçısı, I Avropa Oyunlarının qızıl mükafatçısı Elvin Rauf oğlu Məmişzadə I
Avropa Oyunlarında qazanılmış yüksək nailiyyətlərə və Azərbaycan idmanının
inkişafında böyük xidmətlərinə görə "Şöhrət” ordeni ilə təltif edilib.
Muxtar Babayev- Azərbaycanda neft yataqlarından sənaye üsulu ilə iki milyardıncı ton neftin
hasil edilməsi münasibətilə neft və qaz sənayesinin inkişafında xidmətlərinə
görə "Şöhrət" ordeni ilə təltif edilib "Azərikimya"
İstehsalat Birliyinin Müşahidə Şurasının sədri, Milli Məclisin Sumqayıt şəhər 43 saylı III seçki dairəsindən seçilmiş deputatıdır.
Elxan Hüseynov-
Sumqayıt Dövlət Universitetinin rektorudur. Azərbaycan Respublikasında təhsilin
inkişafındakı xidmətlərinə görə Elxan Bahadur oğlu Hüseynov "Şöhrət” ordeni ilə
təltif edilib.
Elnarə Salamova
Xeberle.com
Xəbərdən istifadə edərkən istinad etmək vacibdir.
