Bu fikirlər Sumqayıt şəhər Hacı Zeynalabdin qəsəbəsi 19 nömrəli tam orta məktəbində aprel şəhidi Murad Məmmədovun anım gününə həsr olunan tədbirdə səsləndirilib.

Xeberle.com xəbər verir ki, mərasim şəhid Murad Məmmədovun Sumqayıt Şəhidlər Xiyabanında məzarının ziyarət edilməsi ilə başlanıb.

Məktəbdə davam etdirilən tədbirdə çıxış edənlər Muradın şərəfli ömür yolundan danışaraq, qəhrəmanların ölmədiklərini, daim qəlblərdə yaşadıqlarını bildiriblər.

Qeyd olunub ki, bu tədbirlər şagirdlərdə vətənpərvərlik ruhunun aşılanmasına xidmət edərək onların şəxsiyyət kimi formalaşmasında müstəsna rol oynayır.

Şagirdlərin vətənə məhəbbət ruhunda tərbiyəsinə xüsusi diqqət yetirildiyini vurğulayanlar şəhidlərimizin qanının yerdə qalmayacağına və torpaqlarımızın tezliklə azad olunacağına inandığını söyləyiblər.

Torpaqlarımızın işğalı ilə barışmayan Murad kimi oğullarımız düşməndən qisasını məhz Aprel döyüşlərində aldı. Qanları, canları bahasına, ölümün gözünə dik baxaraq xalqımıza çoxdan həsrətində olduğu zəfər sevincini yaşatdılar.

Murad Məmmədov ölümündən sonra göstərdiyi qəhrəmanlığa görə Azərbaycan Respublikasının Prezidenti İlham Əliyevin sərəncamı ilə "Hərbi xidmətdə fərqlənməyə görə" III dərəcəli medalı ilə təltif edilib.