"Qanunların işləkliyini təmin etmək çox vacibdir. Bəlkə də qanunlarının işləkliyini təmin etmək üçün Milli Məclisin televiziyası olmalıdır”.
Bu sözləri millət vəkili Hikmət Babaoğlu Milli Məclisdə çıxışı zamanı deyib.
Millət vəkili onu da vurğulayıb ki, bu televiziyada qanunlar barədə məlumatlandırma işi həyata keçirilməlidir:
"Bəzən özümüz qanunların mahiyyətini dərk etmədən qəbul edirik. Müvafiq komitələrdəki mütəxəssislər vaxtaşırı bu dəyişikliklər, qanunlar barədə verilişlər vasitəsilə məlumat verə bilər. Ümumi kütləvi maarifləndirici məlumatlandırmaya ehtiyac var.
Qanun qarşısında məsul olanların mədəniyyət məsələsi həll olmayana qədər problemlər həllini tapmayacaq. Piyadalarla bağlı qaydalar var, bu qaydanın işləməsi üçün sürücü qədər piyada da əməl etməlidir”.(Publika)

Xəbərdən istifadə edərkən istinad etmək vacibdir.