Qurumun Mətbuat xidmətindən Xeberle.com-a verilən məlumata görə, «Azərikimya» İB-nin yüzlərlə əməkdaşının iştirak etdiyi iməcilikdə Qarabağ müharibəsi əlilləri, veteranları və şəhid ailələri İctimai Birliyinin Sumqayıt şəhər şöbəsinin və respublika Qızıl Aypara Cəmiyyəti Sumqayıt şəhər bölməsinin üzvləri, "Sosial Quruculuq” İctimai Birliyinin nümayəndələri, həmçinin tibb işçiləri və şəhərin bir sıra tanınmış idmançıları da qoşulublar. Mütəşəkkillik, həmrəylik və fəallıqla müşayiət olunan iməcilik zamanı "Azərikimya” İstehsalat Birliyinin inzibati binasının qarşısında, Etilen-Polietilen zavodu ərazisindəki "Şəhidlər abidəsi”nin ətrafında, zavodun Polietilen istehsalatının inzibati binasının yerləşdiyi ərazidə 2 minə yaxın mövsümi gül kolları və 600 ədəd müxtəlif növ ağac əkilib.

Həmçinin kimyaçılar tərəfindən Etilen-polietilen zavodunun və Təmir-tikinti İdarəsinin əraziləri alaq otlarından təmizlənib, əvvəlki iməciliklərdə əkilmiş ağaclara aqrotexniki qulluq göstərilib, dibləri bellənilib və ərazilərdə abadlıq işləri aparılıb.