Xeberle.com-unməlumatına görə, "İzmir-Azərbaycan Mədəniyyət və Əlaqələndirmə Dərnəyi” təşkilatçılığı və Karşıyaka Bələdiyyəsinin dəstəyi ilə keçirilən tədbirdə ölkəmizin İstanbuldakı konsulluğunun nümayəndəsi Rahim Hacıyev, Azərbaycan Milli Məclisinin deputatı Qənirə Paşayeva ilə yanaşı, İzmirin tanınmış şəxsləri, Qeyri Hökumət Təşkilatı (QHT) rəhbərləri, Muxtarlar Birliyi və Karşıyaka Bələdiyyəsinin idarə heyəti üzvləri iştirak ediblər.

"İzmir-Azərbaycan Mədəniyyət və Əlaqələndirmə Dərnəyi”nin sədri Mülazim Kardelen Paşa Heydər Əliyevin böyük siyasətçi olduğunu və "Bir millət, iki dövlət” prinsipinin əsas tutaraq Türkiyəyə xüsusi önəm verdiyini, eləcə də Türkiyə-Azərbaycan əlaqələrində çox böyük rol oynadığını xatırladıb. Dərnəy sədri H. Əliyevin bütün türklərin qəlbində yaşacağını də diqqətə çatdırıb.

Millət vəkili Qənirə Paşayeva da öz növbəsində Heydər Əliyevin milyonlarla azərbaycanlının həyatında çox böyük rol oynadığını, onun türk dünyası üçün böyük bir örnək olduğunu, ulu öndərin təkcə Türkiyə-Azərbaycan əlaqələrində deyil, eyni zamanda bütün türkdünyası ölkələri ilə əlaqələrə önəm verdiyini vurğulayıb. O, həmçinin Heydər Əliyev kimi dahi şəxsiyyəti tanımaqdan hər zaman şərəf duyduğunu qeyd edib. Bildirib ki, ümumilli liderin Azərbaycanla bağlı çox böyük arzular var idi və hazırda onun bu arzularının həyata keçirilməsi üçün çalışan layiqli davamçıları var.

Tədbirdə ümumilli liderlə bağlı xatirələrini bölüşən hər kəs onun Türkiyə üçün gördüyü böyük işlərdən də danışıb.

Xatırladaq ki, bu ilin fevral ayında Karşıyakada ümummilli lider Heydər Əliyevin büstü ucaldılıb və onun anadan olmasının 95-ci ildönümündə büstün qarşısına çiçəklər qoyularaq ulu öndər haqqında xatirələr dinlənilib.