Dünyasını dəyişənin ən azı 5 il sığorta stajı olarsa, pensiyasını ailə üzvləri ala bilər.
Bunu vəkil Nazir Quliyev deyib. o bildirb:
"Müxtəlif illər olsa, hər il ən azı 4 ay sığorta stajı olmalıdır. Burada istisna hərbi qulluqçulardır. Əgər hərbi qulluqçu vəzifəsini yerinə yetirərkən həlak olarsa onun sığorta stajının olub-olmaması nəzərə alınmır və ailəsinə pensiyası verilir”.
Bunlar 18 yaşına çatmış şəxslər, 23 yaşına çatmış şəxslər o halda ki əyani təhsil alır, əlilliyi olan ailə üzvü, ailə başçısı itkin düşünlərdir. Bu qanunun verdiyi imkandır. Amma, imkan düşən kimi ölən adamın pensiyasını bu kateqoriyadan olmayan adamlar da alır.
"Əgər ailəyə ölən adamın pensiyası gəlirsə bu barədə aidiyyatı qurumlara məlumat vermək həmin ailənin öhdəliyidir. Məlumat verilmədən pensiya alınırsa bu artıq cinayət məsuliyyəti yaradır. Özgə əmlakını dələduzluqla mənimsəməkdir”, - Vəkil əlavə edib.
İqtisadçı Rəşad Həsənov isə mövzu ilə əladəqar bildirib:
"Bəzi hallarda biz müşahidə edirik ki, təşəbbüs vətəndaşdan gəlir, hansısa formada ölüm haqqında qeydlər aparılmır və pensiya ödənişləri həyata keçirilir. Bu zaman təbii ki, aidiyyatı pensiya qurumunun əməkdaşına da qeyri-rəsmi ödənişlər edilir”.
Bu artıq qanunsuzluqdu və bu qanun pozuntusunun məsuliyyəti var.
"Vətəndaşlar uyğun formada bütün prosedurları həyata keçirirlər. Sənədləşməni həyata keçirirlər vəfat edənlə bağlı. Buna baxmayaraq aidiyyatı qurum əməkdaşları bu sənədləşmələrdə saxtakarlığa yol verirlər. Pensiya ödənişini dayandırmırlar”, - iqtisadçı qeyd edib.
Sosial siyasət, sosial təminat məsələsi bax, bu məsələlərə görə qəlizdir. Ölən adamın pensiyasını həyatda qalanlar almaq istəyir.
Millət vəkili Məlahət İbrahimli dünyada belə bir praktika olmadığını deyib:
"Mənim atam da babam da işləyib. Onda mən onların pensiyasını götürüm? Hamı belə eləsə dövlət müflisləşər. Bildiyim qədərilə dünyada belə bir praktika yoxdur. Ən yaxşı halda himayəsində azyaşlı varsa o pul ona çatır”.
Təbii ki, pensiya ancaq pensiyaçıya verilən puldur. Ondan kiminsə yararlanması əvvəldə göstərdiyimiz hallardan başqa yolverilməzdir. Dediklərimizin əsas yolu Əmək və Əhalinin Sosial müdafiəsi Nazirliyininin mövqeyindən də keçir. Amma orada hələ də struktur dəyişikliyi getdiyindən münasibət öyrənmək alınmadı.(Teleqraf.com)

Xəbərdən istifadə edərkən istinad etmək vacibdir.