İtkin düşmüş alpinistlərin meyitləri ailələrinə təhvil verildi

İtkin düşmüş alpinistlərin meyitləri ailələrinə təhvil verildi - FOTOLAR

Tarix: 17-05-2018, 10:28 Oxunma sayı: 1 844 Bölmə: Cəmiyyət / Hadisə

İtkin düşmüş alpinistlərin meyitləri ailələrinə təhvil verilib.
"Report"un Şimal bürosu xəbər verir ki, Səhiyyə Nazirliyinin Məhkəmə Tibbi Ekspertiza və Patoloji Anatomiya Birliyinin Quba rayon şöbəsində müayinə edildikdən sonra - "Gilavar" Hava və Ekstrim İdman Klubunun üzvü Fəridə Zəbiyulla qızı Cəbrayılzadənin, Babur Vaqif oğlu Hüseynovun və Namin Nizami oğlu Bünyatzadənin meyitləri ailələrinə təhvil verilib. Meyitlər dəfn olunması üçün Bakıya gətirilir.

Xatırladaq ki, ötən il dekabrın 26-da Quba rayonunda dağlıq ərazidə "Gilavar" Hava və Ekstrim İdman Klubunun üzvləri Fəridə Zəbiyulla qızı Cəbrayılzadə, Babur Vaqif oğlu Hüseynov və Namin Nizami oğlu Bünyatzadə itkin düşüblər. Dekabrın 27-dən Fövqəladə Hallar Nazirliyinin (FHN) peşəkar xilasedicilərindən ibarət dəstələrin və Ekologiya və Təbii Sərvətlər Nazirliyinin (ETSN) əməkdaşlarının iştirakı ilə aparılan axtarışlar nəticəsində mayın 16-da axşam saatlarında axtarışların aparıldığı ərazidə alpinistlərə aid çadırın yeri müəyyən edilib, 3 meyit (2 kişi və 1 qadın) və alpinistlərə aid digər əşyalar aşkarlanıb.