Sumqayıtda «Vikipediyada
Qarabağ həqiqətlərinin beynəlxalq ictimaiyyətə düzgün çatdırılması işinə dəstək»
layihəsinə start verilib.
Xeberle.com-a verilən
məlumata görə, 19-20 may 2018-ci
il tarixlərində Sumqayıt şəhərində Azərbaycan Respublikasının Prezidenti
yanında Qeyri-Hökumət Təşkilatlarına Dövlət Dəstəyi Şurasının maliyyə, Sumqayıt
şəhər Gənclər və İdman Baş İdarəsinin təşkilati dəstəyi ilə "Sumqayıt
tələbələri” İctimai Birliyi tərəfindən «Vikipediyada Qarabağ həqiqətlərinin
beynəlxalq ictimaiyyətə düzgün çatdırılması işinə dəstək» layihəsinin açılış
mərasimi və ilk təlimləri keçirilib.
"Sumqayıt
tələbələri”İctimai Birliyinin sədri Rüfət Mahmudzadə iştirakçıları layihənin
məqsədləri – gənclər arasında informasiya texnologiyalarından düzgün
faydalanmanın təbliği və Virtual Ensiklopediya olan Vikipediyada Qarabağ
həqiqətlərinin beynəlxalq ictimaiyyətə düzgün çatdırılması barədə
məlumatlandırıb.
Sumqayıt şəhər İcra
Hakimiyyətinin məsul içisi Eyvaz Qocayev internetdən istifadə edən gənclərin
bilik və bacarıqlarını milli maraqların müdafiəsi istiqamətində fəaliyyətə dair
təşəbbüslərə cəlb etməyin, vikipedia üzrə bilik və bacarıqları artırmağın və
eyni zamanda vikipediyanı kütləviləşdirməyin vacibliyini qeyd edib.
Sumqayıt şəhər Gənclər və
İdman Baş İdarəsinin Gənclərlə iş sektorunun müdiri Ceyhun Hüseynov layihənin
aktuallığını vurğulayıb və gənclərə bu istiqamətdə daha fəal olmaqlarını tövsiyə
edib.
Təlim təhsil və İKT
sahəsində ekspert və təlimçi Ramil Süleymanov tərəfindən keçirilib. Eyni
zamanda təlim iştirakçılarına veb 2.0 texnologiyaları, sosial şəbəkələrdən
istifadə, sosial şəbəkələrin xüsusiyyətləri, vikipediyada redaktə bacarıqları,
məqalələrin yerləşdirilməsi kimi məlumatlar interaktiv olaraq təqdim olunub.
Təqdimat gənclər
təşkilatlarının nümayəndələri, aktiv gənclər və kütləvi informasiya
vasitələrinin nümayəndələri iştirakı ilə keçirilib.
Layihə çərçivəsində
təlimlərdə Sumqayıt şəhərindən 245 nəfər gəncin iştirakı nəzərdə tutulub.
Xəbərdən istifadə edərkən istinad etmək vacibdir.
