Xeberle.com olaraq onların mənfi təsirlərini araşdırmağa çalışdıq. Bu barədə saytımıza açıqlama verən baytar Tərlan Cavadov heyvanlara mütəmadi qulluq edildiyi təqdirdə onların fəsadlarının olmayacağını bildirdi:

"Uşaqda və ya böyükdə heyvanlara qarşı allergik reaksiya varsa, istər-istəməz ona evdə heyvan saxlamaq mənfi təsir göstərəcək. Bundan başqa ev heyvanlarını saxlayan insanlar onlara vaxtlı-vaxtında qurd, bit, gənə əleyhinə dərmanlar vurmurlarsa, sözügedən heyvanların həmin şəxslərə mənfi təsirləri ola bilər. Əgər heyvanlara mütəmadi qulluq edilərsə, onların fəsadları da olmayacaq. Heyvan saxlayarkən onun şəraiti nəzərə alınmalı və növünə diqqət edilməlidir. Əgər saxlanılan balaca it və ya pişikdirsə, onlar üçün elə də böyük şərait lazım deyil”.

Dinimiz necə buna icazə verirmi?

"Bizim anladığımız 7-ci əsrdə olan din ilə, müasir insanların baxışları, alimlərin rəyləri tamamilə fəqlənir. Məsələn, evdə pişik saxlamaq dinimizə görə tam icazəli hesab edilir. Çünki Allahın rəsulunun (s.ə.s) özü də pişikləri, ümumiyyətlə heyvanlara qarşı şəfqətli olan şəxsləri sevərdi. Hətta heyvanlara yaxşı baxmaq, onların qulluğunda dayanmaq ilə bağlı çoxlu hədislər də var. İt saxlanılan evə mələklərin daxil olmaması ilə əlaqədar hədis barəsində isə alimlər peyğəmbərimizin qara,böyük itləri nəzərdə tutduğunu bildiriblər. Amma Allahın rəsulu qoyun sürülərinə nəzarət olunmasında, döyüş əməliyyatlarınının keçirilməsində və s. istifadəsi baxımından itləri tövsiyə edib. Evin içərisində itə baxılmasına ona görə icazə verilmir ki, o evi zibilliyə bilər. Yoxsa həyət evlərində itə baxmaq, qulluq etmək icazəli sayılır”.

Ev heyvanlarının çiy ətlə yemlənməsi həm özləri, həm də sahibləri üçün təhlükəlidir

Elnarə Salamova

Xeberle.com