Azərbaycan
Respublikasının Prezidenti İlham Əliyevin "Azərbaycan Xalq Cümhuriyyətinin 100
illik yubileyi haqqında” 16 may 2017-ci il tarixli sərəncamına müvafiq Sumqayıt şəhər Gənclər və İdman Baş
İdarəsi və Sumqayıtın Tarixi Muzeyinin birgə təşkilatçılığı ilə muzeyin
konfrans zalında dəyirmi masa keçirilib.
Tədbirdə müxtəlif sahələrini təmsil edən gənclər
və idman ictimaiyyəti nümayəndələri iştirak ediblər.
Tədbiri giriş
sözü ilə açan muzeyin əməkdaşı Səidə Səfərova mövzu ilə əlaqədar çıxış edərək tədbir
iştirakçılarını muzey materialları əsasında hazırladığı "Azərbaycan Xalq
Cümhuriyyəti – 100" videoçarxı izləməyə dəvət edib. Sonra Azərbaycan Demokratik
Respublikasının yaranması, fəaliyyəti ilə əlaqədar muzeyin elmi katibi Sənurə
Lazımova, Gənclər Evinin dərnək rəhbəri Lamiyə Ağayeva çıxışlar ediblər.
Tədbir
muzeyin ekskursiya aparıcısı Səidə Səfərovanın "Azərbaycan Xalq Cümhuriyyəti
ideyalarının davamçısı Heydər Əliyev” mövzusunda çıxışı ilə yekunlaşıb.
Xəbərdən istifadə edərkən istinad etmək vacibdir.