Sumqayıtda çörəyin içərisindən naməlum maddə tapılması ilə bağlı "Sumqayıt-Çörək” ASC-nin hüquqşünası Sahil Allahverdiyev Xeberle.com-a açıqlama verib.

S.Allahverdiyev təmsil etdiyi şirkətə məxsus zavodda istehsal olunan çörəklərə yüksək laboratoriya nəzarətinin edildiyini və qeyd olunan məsələ ilə bağlı onlara heç bir şikayətin daxil olmadığını bildirib.

ASC-nin nümayəndəsi qəti şəkildə söyləyib ki, bu, onların çörək zavodunun məhsulu deyil: "Son dövrlər mağazalarda bu tip çörəklərin eyni ad altında satılması insanlarda anlaşılmazlıq yaradır. Şəkildə görünən çörəyin rəngindən, qalınlıq və digər vizual-fiziki görkəmindən əminliklə deyə bilərik ki, bu cörək bizim istehsal deyil” – deyə S.Allahverdiyev qeyd edib.

Şirkət nümayəndəsi bu faktın araşdırılmasında yaxından iştirak etməyə hazır olduqlarını da dilə gətirib: "Sözügedən məsələnin ciddi araşdırılması "Sumqayıt-Çörək” ASC-nin də ciddi marağındadır. Bu gün bazara zavod çörəyi adı ilə xırda sexlərdən heç bir gigiyenik norma gözlənilmədən istehsal olunan məhsullar çıxarılır, keyfiyyətsiz məhsullar təqdim olunur. Bu, həm əhalinin qida təhlükəsizliyini risk qarşısında qoyur, həm də bizim kimi müəssisənin fəaliyyətinə və imicinə mənfi təsir göstərir.