Layihənin rəhbəri Zenfira Mustafayeva layihənin məqsədi, göstərilən yardımlar barədə danışıb.

Tədbirdə ekspert qismində Azərbaycan Respublikası Əmək və Əhalinin Sosial Müdafiə Nazirliyi yanında İnsan Alverinə Qarşı Mübarizə Mərkəzinin rəhbəri Nəzakət Balabəyova çıxış edib.

Ekspert tədbir zamanı insan alveri və onun fəsadları,məişət zorakılığı,erkən nikahlar haqqında iştirakçılara geniş məlumat verib.

O, çıxışında ailədaxili zorakılığın, boşanmaların, erkən nikahların insan alverinə necə yol açdığından söz açıb.

N. Balabəyova insan alverinin növləri, fahişəlik, dilənçiliyə məcbur etmə, surroqat analıqdan da bəhs edib.

Hər bir iştirakçını maraqlandıran suallar ekspert tərəfindən cavablandırılıb.

Tədbir iştirakçılarına mövzuya aid bukletlər, təlim materialları paylanılıb.