Sumqayıt Gənclər Evində
şəhər Gənclər və İdman Baş İdarəsinin təşkilatçılığı ilə "15 iyun Milli Qurtuluş Günü” nə həsr olunmuş rəsm-sərgi müsabiqəsi keçirilib.
Tədbirdə çıxış edən Baş
İdarəsinin rəis əvəzi Mübariz Bəşirov ölkəmizdə uğurla həyata keçirilən dövlət
gənclər siyasətindən danışaraq, sərginin keçirilməsində məqsədin istedadlı
və yaradıcı gəncləri aşkara çıxarmaq, qabiliyyətlərini nümayiş etdirə bilmələri
üçün şərait yaratmaq və asudə vaxtlarını səmərəli təşkil etmək olduğunu qeyd
edib. Daha sonra çıxış edən Gənclər Evinin direktoru Pəri Vəliyeva və "Nigart”
dərnəyinin rəhbəri Nigar Qurbanova müsabiqəyə təqdim
olunmuş əsərlər haqqında məlumat verərək belə rəsm sərgilərinin keçirilməsinin əhəmiyyətini
qeyd ediblər.
Sonda sərgidə əl işləri
nümyiş olunan 20 müəllifin hər birinə Baş İdarənin sertifikatları təqdim edilib.
Xəbərdən istifadə edərkən istinad etmək vacibdir.
