"Azərikimya" Istehsalat Birliyinin təşkilatçılığı ilə "Kimyaçı" Mədəniyyət sayayının bədii-özfəaliyyət kollektivinin və rəqs qruplarının üzvləri 26 iyun Azərbaycan Silahlı Qüvvələri günündə N saylı hərbi hissədə zabit və əsgərlər qarşısında geniş konsert proqramı ilə çıxış ediblər.
Xeberle.com-a verilən məlumata görə, tədbiri giriş sözü ilə şair-publisist, Respublikanın Əməkdar jurnalisti Rafiq Oday açaraq, ordumuzun 100 tarixi yolumdan danışıb, əsgər və zabitləri öz adından və "Azərikimya"nın rəhbərliyi adından bayram münasibətilə təbrik edib.
Rafiq Odayın "Ali Baş Komandanım" şeiri alqışlarla qarşılanıb.
"Kimyaçı" Mədəniyyət sarayının "Kimyaçı" instrumental ansamblının - bədii rəhbər Şaiq Eyyubov - üzvləri Şəbnəm Tapdıqqızının, Təranə Nurlunun, Nuranə Bahəddinin, Xəyal Şirinovun və Ruslan Əkbərovun bir-birindən maraqlı musiqi nömrələri böyük sevgi və alqışlarla müşayət olunub.
Mədəniyyət sarayının uşaq rəqs kollektivlərinin təqdim etdiyi nömrələr, bədii qiraətçi və tədbirin aparıcısı Aliyə Əlizadənin "Sən qalib gələcəksən" şerinin bədii qiraəti də alqışlara vəsilə olub.
Sonda N saylı hərbi hissənin rəhbərliyi tərəfindən "Kimyaçı" Mədəniyyət sarayının kollektivinə fəxri fərman təqdim olunub.
Xəbərdən istifadə edərkən istinad etmək vacibdir.
