Bu gün aprel şəhidimiz polkovnik-leytenant Raquf İbrahim oğlu Orucovun oğum günüdür. "Murov qartalı” ləğəbi ilə tanınan R.Orucov 1972-ci il iyulun 12-də Ağdam rayonunun Cinli kəndində anadan olub. R.Orucov Murovdağda kəşfiyyat komandiri olub. Aprel döyüşləri zamanı qəhrəmancasına şəhid olan R.Orucov aprelin 5-də Sumqayıt şəhərindəki Şəhidlər Xiyabanında dəfn edilib. Şəhid polkovnikimizin Aqşin və Nihat adında iki oğlan övladı yadigar qalıb. 

Xeberle.com bildirir ki,şəhid polkovnikimizin qardaşı Amil Orucov Moderator.az-a açıqılamasında 46 yaşı tamam olan qardaşının heç vaxt doğum günü keçirmədiyini deyib:
"Raqufun şəhid olmasından sonra bu artıq üçüncü doğum gündür. 46 yaşı tamam olur. Bu gün Sumqayıtda Şəhidlər Xiyabanında tədbir keçirilir. Bu gün həm də Sumqayıtdan olan şəhid gizirimiz Seymur Baxışovun da doğum günüdür. Raquf ömrü boyu səngərdə olub. 1990-cı ildən bu yana biz onu üst-üstə heç bir il görməmişik. O, şəhid olandan sonra biz onun haqqında nələrisə bildik. Özü heç nə danışan deyildi, ancaq döyüşçü yoldaşları onun haqqında bilir. Raquf doğum gününü həmişə səngərdə keçirib. Ağdam işğal olunan zaman dayım və anam da şəhid oldu. Onda Raquf könüllü döyüşçü idi, sonradan təhsil alıb xidmətinə davam etdi. Hamı Raqufu sevir və mən qardaşımla fəxr edirəm”.