Xeberle.com saytı olaraq məktubu araşdırmaq üçün sözügedən ünvana yollandıq.

Məlum oldu ki, sakinləri narahat edən məsələ elektrik dirəklərinə bağlanan naqillərlə bağlıdır. Belə ki, elektrik naqilləri dirəklərə o qədər aşağıdan bağlanıb ki, hətta uşaqlar əlin uzatsa, çatar. Bu da insan həyatı üçün təhlükə mənbəyidir. Hər an faciəyə səbəb ola bilər. Ona görə də naqillərin yeri təcili dəyişdirilməlidir.

 

Məsələ ilə bağlı Sumqayıt Elektrik Şəbəkəsinin baş mühəndisi Arzuman İsmayılovun mövqeyini öyrəndik. Baş mühəndis məsələdən xəbərsiz olduğunu, dərhal əraziyə bu işlə məşğul olan əməkdaşların göndəriləcəyini və problemin aradan qaldırılacağını söylədi. Sakinləri narahat edən məsələlərdən biri də yaşadıqları binanın qarşısındakı boş torpaq sahəsidir. Onların sözlərinə görə, yağış yağanda yer tamamilə palçıq olur. Həyətdə hərəkət etmək çətinləşir. Təcili tibbi yardım maşını çağrılanda belə problemlər yaşanır. Sakinlərin fikrincə, həmin əraziyə ağaclar əkilsə, bloklara səkilər çəkilsə, yəqin ki, problem öz həllini tapar.

Ümidvarıq ki əlaqədar qurumların məsələyə operativ müdaxiləsi nəticəsində sözügedən binanın sakinləri istəklərinə çatacaqlar.