Sumqayıt şəhər Polis idarəsinin Dövlət Yol polisi şöbəsinin əməkdaşları şəhərin müxtəlif ərazilərində reyd keçiriblər. Reyd zamanı sürücülük vəsiqəsi və müvafiq kateqoriyası olmadan avtomobil idarə edən, təhlükəsizlik kəmərindən istifadə etməyən, mobil telefondan istifadə edən və digər qaydaları pozan sürücülər aşkar edilib. Ümumilikdə reyd zamanı 30-dan çox sürücü saxlanılıb. Onlardan 20-ə yaxını barəsində müvafiq qaydada protokol tərtib edilib. Bir neçə sürücünün avtomobili hərəkətdən uzaqlaşdırılaraq cərimə meydançasına aparılıb. Həmçinin sürücülər arasında müxtəlif proflaktik söhbətlər aparılıb. Onlar qanunun tələblərinə riyaət etməyə və qaydaları pozmamağa çağrılıb. Reyd zamanı qanunun tələblərini pozan piyadalara da rast gəlinib.

 

Qeyd edək ki, bu cür reydlər mütamadi olaraq keçirilir və bundan sonra da davam edəcəkdir.