"Avqust
ayı ərzində ümumilikdə 67 nəfər hüquqi və psixoloji yardım üçün Mərkəzə müraciət
edib. Müraciət edənlərdən 6 nəfər təkrarən xidmətlərdən yararlanıb. Bu şəxslərdən 49 nəfərə yalnız hüquqi xidmət,
12 nəfərə yalnız psixoloji xidmət, 6 nəfərə isə həm psixoloji, həmçinin də
hüquqi xidmət göstərilib. Bu şəxslərdən
3 nəfərin qohumları ( övladlarına və valideyinlərinə) da psixoloji xidmətdən
istifadə edib. Xidmətlərdən yararlananların 34 nəfəri qadın, 33 nəfəri isə
kişidir."
Bu sözləri Xeberle.com-a açıqlamasında "Qadın
Təşəbbüsü və Sosial Problemlərin Həllinə Yardım" ictimai birliyinin sədri
Zenfira Mustafayeva deyib. Birlik sədri bildirib ki, hüquqi və psixoloji xidmət üçün olunan müraciətlərin məzmunu
müxtəlif sahələri əhatə edib: "Buraya maliyyə məsələləri ilə bağlı 11, əmlak
və mülkiyyət hüququ ilə bağlı 13, nikahın ləğvi ilə bağlı 6, əmək və pensiya
hüququ ilə bağlı 10, qəyyumluq və himayəçilik problemləri ilə bağlı 7, alimentlə
bağlı 7, seksual zorakılıq qurbanları ilə bağlı 1 və digər problemlərlə bağlı 3
müraciət daxildir."
Xədicə Səxavətqızı
Xeberle.com
Xəbərdən istifadə edərkən istinad etmək vacibdir.
