“Ötən il Sumqayıtdan Demokratiya və İnsan Hüquqları Resurs Mərkəzinin vasitəçiliylə  Avropa İnsan Haqları Məhkəməsinə 20-dən yuxarı iş göndərilib”

Bu sözləri “Xeberle.com”-a açıqlamasında  Demokratiya və İnsan Hüquqları Resurs Mərkəzinin hüquqşünası Ruslan Mustafayev deyib. Onun sözlərinə görə,  ötən il Avropa İnsan Haqları Məhkəməsi Sumqayıtdan edilən müraciətlərlə bağlı  bir sıra qərarlar da qəbul edib: “Əvvəlki illərdə göndərdiyimiz işlərdən 1 qərarda 9 nəfərin işi üzrə, digər qərarda 2 nəfərin işi üzrə və başqa bir qərarda isə 1 nəfərin işi üzrə qərar qəbul edilib”

R. Mustafayev onu da bildirdi ki,  göndərilən işlər mülkiyyət hüququnun pozulması ilə bağlı olub.  Bununla yanaşı isə məhkəmə araşdırılmasının düzgün aparılmamamsı ilə bağlı müraciət edənlər də olub: “Müraciətlər əsasən 1 sayli protokolun 1-ci maddəsi, yəni mulkiyyət hüququ ilə bağlı olub. Konvensiyanın 6-cı maddəsi, yəni ədalətli məhkəmə araşdırması hüququnun pozuntusu ilə bağlı işlər də var.  Həmçinin 10 və 11-ci maddələrin pozuntuları ilə bağlı, yəni sərbəst toplaşmaq azadlığının və ifadə azadlığının pozuntularını da qeyd etmək olar. ” 

Xeberle.com