Yeni Azərbaycan Partiyası Sumqayıt şəhər
təşkilatının təşəbbüsü ilə növbəti "Təmiz Sahil, Sağlam Həyat” devizi altında
Sumqayıt Bulvarının dənizkənarı sahilində təmizlik aksiyası keçirilib.
Xeberle.com-a verilən məlumata görə, YAP
Sumqayıt şəhər təşkilatının sədri Ramiz Hüseynov öncə bildirib ki, aksiya
maarifləndirmə xarakteri daşımaqla yanaşı, şəhərin təmizliyinə və
ekologiyasının qorunub saxlanmasına görədir. Sədr gənclərin bu təşəbbüsün
alqışa layiq olduğunu və uğurlar arzu edərək aksiyaya start verib.
"Təmiz Sahil, Sağlam Həyat” devizi altında
YAP Sumqayıt şəhər təşkilatının bir qrup fəalları, Sumqayıt Gənclər Evinin
və Azərbaycan Qızıl Aypara Cəmiyyəti Sumqayıt şəhər bölməsinin könüllülələrinin
iştirakı keçirilib. Tədbirin əsas məqsədi yay fəslinin bitməsi ilə əlaqədar
olaraq, sahilyanı ərazilərin çirkləndirilməsi və zibillənməsinin
qarşısının alınması, o cümlədən dəniz sahillərində təmizliyə riayət olunması
ilə bağlı ictimaiyyətin maarifləndirilməsi olub. Belə ki, sahillərdə təmizliyə
riayət olunmaması sanitar problemlərlə yanaşı, dəniz ətraf mühitinin, eləcə də
onun flora və faunasının zərər çəkməsinə səbəb olur.
Sonda "Təmiz Sahil, Sağlam Həyat”
devizi ilə keçirilmiş təmizlik aksiyasında toplanmış tullantıları məişət
tullantıları poliqonuna daşınmasın təmin edilmişdir. Gələcəkdə bu kimi ictimai,
sosial və ekoloji aksiyaların davam etdirilməsi daim diqqətdə saxlanacaq.
Xəbərdən istifadə edərkən istinad etmək vacibdir.
