Sumqayıt Regional
Mədəniyyət idarəsinin təşəbbüsü, Sumqayıt şəhər S.Vurğun adına Mərkəzi
Kitabxannın təşkilatçılığı ilə Sumqayıt şəhər Poeziya evində Aprel şəhidi
Əbdülməcid Axundovun anadan olmasının 25
illiyi münasibətilə tədbir keçirilib.
Xeberle.com-a verilən məlumata görə, S.Vurğun adına Mərkəzi kitabxananın metodisti Natavan
Axundzadənin aparıcılığı ilə keçın tədbirdə Qarabağ
Müharibəsi Əlilləri, Veteranları, Şəhid Ailələri İctimai Birliyinin sədri
Tərlan Hacızadə, Sumqayıt şəhər 16 saylı orta məktəbin direktoru Niyaz
Süleymanov, şair Əşrəf Veysəlli, Poeziya Evinin direktoru şair İbrahim İlyaslı,
şəhid Mahir Mirzəyevin atası çıxış ediblər.
Tədbirdə
Nizami Gəncəvi adına kitabxana klubun oxucularinin və SDU-nun tələbəsi İbrahim
Qəniyevin ifasında şeirlər, Corat mədəniyyət evinin solisti Təranə Nurun
ifasında vətənpərvər mahnılar dinlənilib.
Sonda
şəhidin anası Ceyran Axundova oğlu Əbdülməcid Axundovla bağlı xatirlərini
bölüşüb, tədbirin təşkilatçıları və iştirakçılarına göstərdikləri diqqətə görə
təşəkkürünü bildirib və qeyd edib ki, belə tədbirlərin keçirilməsi gənclərdə
vətənpərvər ruhun yüksəlməsinə xidmət edir.
Tədbirdə
Əbdülməcid Axundovuna həsr olunmuş videoçarx nümayiş olunub, şəxsi əşyaları,
fotoları, xalça və rəsm əsəri, haqqında yazılan kitab və dövrü mətbuat
materialları sərgilənib.
Xəbərdən istifadə edərkən istinad etmək vacibdir.
