"Əmək və Əhalinin Sosial Müdafiəsi Nazirliyinin yanında Dövlət Sosial Müdafiə Fondunun Sumqayıt şəhər şöbəsində hazırda əlilliyi olan şəxslərdən 22278 nəfər pensiya və müavinət alan vətəndaş var. Sosial müavinət alanlardan 1049 nəfərini Azərbaycan Respublikasının ərazi bütövlüyünün, müstəqilliyinin və konstitusiya quruluşunun müdafiəsi ilə əlaqədar əlil olmuş şəxslər, 5411 nəfərini isə ümumi səbəbdən əlilliyi olan şəxslər təşkil edir".

Bu sözləri Xeberle.com-a eksklüziv açıqlamasında Əmək və Əhalinin Sosial Müdafiəsi Nazirliyinin İctimaiyyətlə əlaqələr şöbəsinin müdir əvəzi Fazil Talıbov bildirib. Qurum rəsmisinin sözlərinə görə, ümümi səbəbdən əlilliyi olan şəxslərdən 807 nəfəri I qrup, 2551 nəfəri II qrup, 2053 nəfəri III qrup əlilliyi olan şəxslərdir: "DSMF-nin Sumqayıt şəhər şöbəsində qeydiyyatda olan şəxslərdən 247 nəfəri isə Azərbaycan Respublikasının ərazi bütövlüyünün, müstəqilliyinin və konstitusiya quruluşunun müdafiəsi ilə əlaqədar əlil olmuş şəxslər, 15121 nəfərini isə ümumi səbəbdən əlil olmuş şəxslər təşkil edir. Ümumi səbəbdən əlil olmuş şəxslərdən 1123 nəfəri I qrup, 12849 nəfəri II qrup, 1149 nəfəri isə III qrup əlilliyi olan şəxslər təşkil edir".

Xədicə Səxavətqızı

Xeberle.com