Sumqayıt şəhər İcra Hakimiyyəti Mənzil Kommunal Təsərrüfatı İstehsalat Birliyinin (MKTİB) rəhbər işçiləri məhəllə və mikrorayonlarda sakinlərlə silsilə görüşlərə start verib.
Xeberle.com-a verilən məlumata görə, bu gün qurumun rəis müavini Rzaqulu Cəfərquliyev, birliyin əməkdaşı Xaqani Həşimov, 2 saylı Mənzil Kommunal Sahəsinin rəisi, baş mühəndisi və sahə ustalarının iştirakı ilə 3-cü məhəllə sakinləri ilə görüş keçirilib.
Görüşdə sakinlərin fikirləri dinlənilib, sualları cavablandırılıb.
MKTİB-in rəis müavini Rzaqulu Cəfərquliyev səsləndirilən problemlərin aradan qaldırılması barədə aidiyyəti üzrə tapşırıqlar verib. Rəis müavini, həmçinin şəhərdə gedən abadlıq-quruculuq işləri və gələcəkdə görüləçək işlər barədə məlumat verib.
Sakinlər də Sumqayıtda görülmüş işləri yüksək qiymətləndiriblər, razılıq və minnətdarlıqlarını ifadə ediblər.
Xəbərdən istifadə edərkən istinad etmək vacibdir.
