Baş idarənin gənclərlə iş sektorunun müdiri Ceyhun Hüseynov tədbirdə çıxış edərk bütöv Azərbaycanın fonunda Sumqayıt şəhərindədə uğurla həyata keçirilən dövlət gənclər siyasətindən, sağlam düşüncəli yeni nəslin yetişdirilməsinin mühüm vəzifə kimi daim diqqət mərkəzində saxlanıldığından, gənclərin dövlət və cəmiyyətin sosial-iqtisadi, ictimai-siyasi və mədəni həyatında iştirakının təmin edilməsi istiqamətində görülən işlərdən danışıb.

Qeyd olunub ki, son dövrlərdə şəhərimizdə aparılan abadlıq quruculuq işləri, yeni infrastruktur obyektlərinin istifadəyə verilməsi gənclərin öz bilik və bacarıqlarını inkişaf etdirməsinə və reallaşdırılmasına öz müsbət təsirini göstərib. Gənclər Klubunun sədri Teymur Aslanlı çıxışında gənclərin maraq və istəklərinə uyğun təlim, seminar və maarifləndirici xarakterli görüşlərin davamlı olaraq təşkil ediləcəyini qeyd edib.

Tədbirdə gənc qiraətçi İbrahim Qəniyev tərəfindən Azərbaycan poeziyasının saysız-hesabsız şəxsiyyətlərinin, görkəmli ədəbiyyat nümayəndələrinin əsərlər toplusundan şeirlər, poemalar səsləndirilib, tələbələrin ifasında müxtəlif əsərlərdən parçalar dinlənilib və vətənpərvərlik mövzunda səhnələr nümayiş olunub.