Xeberle.com-un məlumatına görə, hesabat dövrü ərzində məişət zorakılğına məruz qalmış uşaqlara və onların valideyinlərinə (qəyyumları, himayəçiləri və digər yaxın qohumlarına) 324 nəfərə hüquqi, sosial, psixoloji,tibbi xidmətlər göstərilib. Bu aylar ərzində İcra Hakimiyyəti tərəfindən 4 ailəyə qısamüddətli mühafizə orderinin alınmasına nail olunub.

Hesabatda qeyd olunub ki, layihə dövründə maddi durumu aşağı olan ailələrtəşkilat tərəfindən geyim, ev əşyaları,qida paketləri ilə təmin olunublar: "Məktəbli formalarına ehtiyacı olan ailələrə məktəbli formaları və məktəb ləvazımatları də verilib. Sağlamlığı ilə ciddi problem yaşayan 3 nəfər valideyn və 6 uşaq müalicəyə göndərilib. Məişət zorakılığına məruz qalmış 11 nəfər uşağın valideynləri işlə təmin olunub, 8 nəfər uşaq uşaq bağçalarına yerləşdirilib, heç bir təhsili olmayan 12 nəfər valideyn peşə kurslarına yönəldilib. Daim atası və nənəsi tərəfindən məişət zorakılığına məruz qalmış 1 nəfər uşaq və onun anası sığınacağa yerləşdirilib.

Təhsildən yayınan 7 uşaq yenidən orta məktəblərə və internat məktəblərinə yerləşdirilib, bununla da onların təhsilinin bərpasına nail olunub".

Xeberle.com