Xeberle.com-a verilən məlumata görə, Sumqayıtın Tarixi Muzeyində baş tutan tədbirdə şəhərin ictimai-siyasi həyatında mühüm rol oynayan ictimaiyyət nümayəndələri, Sumqayıt Regional Mədəniyyət İdarəsinin təlimatçısı Bayram Cəfərli, Sumqayıt şəhər bələdiyyəsinin üzvü Akif Kərimov, YAP-ın mətbu orqanı olan "Məslək” qəzetinin redaktoru Ucal Qasımov, 5 saylı orta məktəbin kütləvi işlər üzrə direktor müavini Salam İsmayızadə, 10 saylı Peşə liseyinin müəllim və şagird heyəti, Vaqif İbrahim adına 35 saylı orta məktəbin nümayəndələri və məktəblilər iştirak ediblər. Tarix Muzeyinin əməkdaşı, eyni zamanda da tədbirin aparıcısı Səidə Səfərova tarixi bayraqlarımızla yanaşı, Azərbaycan bayrağının yaranma tarixi, 100 il ərzində keçdiyi çətin və şərəfli yol haqqında iştirakçılara geniş məlumat verib.

Bildirib ki, dövlət bayrağı gələcək nəsillər üçün böyük mirasdır. Bayrağımızın rəngləri, simvolları yeni nəslin öz soy-kökünü öyrənməsi, tarixini bilməsi baxımından bir mayakdır.

5 saylı məktəbin kütləvi işlər üzrə direktor müavini Salam İsmayılzadə tədbirin təşkilatçılarına təşəkkür edib, gənc nəslin milli mənəvi dəyərlər əsasında formalaşmasında belə tədbirlərin müstəsna rol oynadığını qeyd edib.

Tədbirdə, həmçinin 35 saylı tam orta məktəbin şagirdlərinin hazırladıqları bədii kompozisiya, bayraq haqqında səhnəciklər göstərilib, şeirlər və mahnılar səsləndirilib. Məktəblilərdən Fərid Dərgahquliyev, Banu Xasisoy, Mələk Cabrayılova, Ziyafət Qəhrəmanova, EmilNəsibli, Ayşən Orucova, İlahə Nəbiyeva, İbrahim Əliyev, Şəfəq Zalova, Məhəmməd Mehdiyev və Mədinə Baloğlanzadənin ifası iştirakçılar tərəfindən maraqla qarşılanıb.

Bununla yanaşı, Azərbaycanın Milli Qəhrəmanı Mübariz İbrahimova həsr olunmuş "Hər birimiz Mübarizik, Fəridik” adlı kompozisiya da böyük marağa səbəb olub.

Eyni zamanda, bədii kompozisiyanın motivlərinə uyğun hazırlanmış videoçarxlar nümayiş olunub.

Sonda Sumqayıtın Tarixi Muzeyinin direktoru, əməkdar mədəniyyət işçisi Olya İslamova bütün tədbir iştirakçılarına, o cümlədən şagirdlərin tədbirin hazırlaşmasında əməyi olan Vaqif İbrahim adına 35 saylı tam orta məktəbin ibtidai sinif müəllimi Nigar Vəliyevaya xüsusi təşəkkürünü bildirib və bu əməkdaşlığın davamlı olacağından əminliyini ifadə edib.