Tədbirin keçirilməsində məqsəd müəllim və tələbələrin fövqəladə hallarla bağlı davranış qaydaları və mülki müdafiə sahəsində biliklərinin artırılmasına, məktəblərdə baş verə biləcək yanğın və ya partlayış hadisələrinin qarşısının alınması məqsədilə profilaktik tədbirlərin görülməsinə nail olmaqdır.

Tədbirdə Sumqayıt Regional Mərkəzinin,I Ərazi Dövlət Yanğın Nəzarəti İdarəsinin, Abşeron rayon Dövlət Yanğından Mühafizə Hissəsininəməkdaşları, universitetin müəllim və tələbələri iştirak ediblər.

Tədbiri açıq elan edən universitetin Maliyyə - təsərrüfat işləri üzrə prorektoru Yavər Məmmədov mövzunun aktuallığından və FHN-nin bu sahədəki rolundan danışıb. Bildirib ki, BMU-da bu sahəyə xüsusi diqqət yetirilir, bütün binalar lazımı avadanlıqlarla təmin edilib.

Fövqəladə Hallar Nazirliyinin Sumqayıt Regional Mərkəzinin maarifləndirmə sektorunun müdir əvəzi Emin Ramazanov tədbirin mahiyyəti və məqsədi barəsində danışaraq tədbir iştirakçılarına fövqəladə hallar barədə ümumi məlumat verib.

Daha sonra FHN-nin digər əməkdaşları "Zəlzələ zamanı necə davranmalı?”, "Torpaq sürüşməsi zamanı davranış qaydaları”, "Məişətdə yanğın zamanı davranış qaydaları”, "Odsöndürən balonlardan istifadə”, "Dəm qazı”, "Çimərlikdə təhlükəsiz qaydaları”, "112” qaynar xətti”, "Gənclərin fövqəladə hallara hazır olması, fövqəladə halların qarşısının alınması və nəticələrinin aradan qaldırılmasında rolu” mövzularında çıxışlar etmişlər. Həmçinin tədbirdə mövzulara aid videoçarxlar nümayiş etdirilib.

Sonda mövzulara dair suallar cavablandırılıb və maarifləndirmə xarakterli təbliğat materialları, yaddaş kitabçaları, bukletlər paylanılıb.