Tədbirə dövlət himnin səsləndirilməsi ilə başlanılmışdır Gənclər və İdman Baş idarəsinin Gənclərlə iş sektorunun müdiri Ceyhun Hüseynov iştirakçıları salamlayaraq, əsası Ümummili Lider Heydər Əliyev tərəfindən qoyulmuş dövlət gənclər siyasətindən, Gənclər və İdman Nazirliyi və şəhər rəhbərliyinin gənc nəslə göstərdiyi diqqət və qayğıdan, Respublikada dövlət gənclər siyasətinin uğurlu inkişafından danışmışdır. Qeyd olundu ki, məqsəd "Azərbaycan gəncliyi 2017 – 2021-ci illərdə” Dövlət Proqramından irəli gələn vəzifələri icra etmək, gənclərin intellektual səviyyəsini, dünyagörüşünü genişləndirmək, zehni inkişafını stimullaşdırmaq, onlar arasında elmin nüfuzunu artırmaq, asudə vaxtlarını səmərəli təşkil etməkdir. Bildirildi ki, dövlət proqramının Sumqayıt şəhərində icrası ilə əlaqədar şəhər İcra Hakimiyyətinin başçısının müvafiq sərəncamı ilə tədbirlər planı təsdiq edilmiş, çoxsaylı tədbirlər həyata keçirilmiş və bu işlər davam etdirilməkdədir. Qeyd olundu ki, son illərdə şəhərdə istifadəyə verilmiş yeni obyektlər də tədbirlərin yüksək səviyyədə keçirilməsinə öz müsbət təsirini göstərir.

Baş İdarənin nəzdində fəaliyyət göstərən Sumqayıt İntellektual Klubunun hakimlərinin idarəçiliyi ilə keçirilən yarışmada müxtəlif sahələri təmsil edən tələbə-gənclərdən ibarət 16 komanda iştirak etmişdir. Ümumilikdə hər komandada 6 nəfər olmaqla 96 tələbə-gənc qalib adı uğrunda mübarizə aparmışdır. Gərgin keçən bilik çempionatının yekununda I yerə Sumqayıt Dövlət Universitetinin "Səfəvi - 1”, II yerə "Qızıl Aypara Sumqayıt”, III yerə isə Sumqayıt Asan Xidmət Mərkəzinin "Mübarizlər” komandası layiq görülmüşdür. Qalib komandalar və üzvləri Baş İdarənin kubok, Fəxri Fərman, medal və xatirə hədiyyələri ilə təltif edilmişdir.