Dekabrın
18-də Sumqayıt şəhərində keçirilən əmək yarmarkasında 30-dan çox
müəssisə iştirak edib və 270 vakant iş yeri işsiz və iş axtaran
vətəndaşlara təklif olunub.
Xeberle.com xəbər verir ki, Sumqayıt Dövlət Universitetində şəhər icra
hakimiyyətinin və Əmək və Əhalinin Sosial Müdafiəsi Nazirliyi yanında
Dövlət Məşğulluq Xidmətinin Sumqayıt şəhər Məşğulluq Mərkəzinin birgə
təşkilatçılığı ilə reallaşan əmək yarmarkasında müvəqqəti işlərə və
ödənişli ictimai işlərə cəlb olunmaq istəyən şəxslərin qeydiyyatı da
aparılıb.
Gün ərzində davam edən əmək yarmarkasında 10-u dövlət, 20-si
qeyri-dövlət sektoruna aid olan 30 müəssisə üzrə 270 boş (vakant) iş
yeri işsiz və iş axtaran vətəndaşlara təklif edilib.
Sumqayıt Şəhər İcra Hakimiyyətindən verilən məlumata görə, 2018-ci
ilin 9 ayı ərzində Məşğulluq Mərkəzi tərəfindən 4208 nəfər iş axtaran
kimi qeydiyyata alınıb. Onlardan 2294 nəfəri işlə təmin edilib, 70 nəfər
isə peşə kurslarına cəlb olunub.
Xəbərdən istifadə edərkən istinad etmək vacibdir.
