Fövqəladə Hallar Nazirliyinin Sumqayıt Regional Mərkəzində şəhər və rayon
İcra hakimiyyətlərinin mülki müdafiə işlərinə məsul şəxslərin iştirakı ilə
toplantı keçirilib. Xeberle.com-a verilən məlumata görə, toplantının keçirilməsində məqsəd 2019-cu tədris ili üçün
mülki müdafiə tədbirlər planının hazırlanmasına metodiki köməkliyin göstərilməsi
olub. Bundan başqa şəhər və rayonların 2018-ci il ərzində mülki müdafiə
üzrə hesabatı, mülki müdafiə kurslarının komplektləşdirmə planları, 2019-cu
tədris ilində şəhər, rayon ərzilərində fəaliyyət göstərən idarə, müəssisə və
təşkilatlarında keçiriləcək təlim və məşqlərin təqvim planı, Mərkəz tərəfindən
keçiriləcək mülki müdafiə məşqlərin tarixləri müzakirə olunub.
2019-cu tədris ilində tərtib
ediləcək hesabat sənədlərinin nümunələri və tərtib edilmə qaydaları
iştirakçılara əyani göstərilib.
Sonda suallar ətrafında müzakirələr
aparılıb.
Xəbərdən istifadə edərkən istinad etmək vacibdir.
