Bu gün sosial şəbəkələrdə qaymağın üzərində son istifadə tarixinin 30.02.2019-cu il qeyd edilməsi ilə bağlı məlumat yayılıb.
Xeberle.com bildirir ki, Qida Təhlükəsizliyi Agentliyi fotoşəkili mediadan götürülərək araşdırılması üçün Agentliyin müvafiq şöbələrinə yönləndirilib.
"Artıq bununla bağlı araşdırmalara başlanılıb. Araşdırmaların nəticələrinə uyğun olaraq, qanunvericiliyin tələbləri çərçivəsində tədbirlər görüləcək. Nəticələr barədə ictimaiyyətə ətraflı məlumat veriləcək”, - agentlikdən qeyd olunub.
Agentlik vətəndaşlardan xahiş edir ki, belə hallarla qarşılaşdıqda qida məhsulunun adı, istehsal tarixi, istehsal partiyası, istehsalçı şirkət məlumatları ilə bağlı Agentliyin 1003 qaynar xəttinə zəng edib məlumat versinlər.
Xəbərdən istifadə edərkən istinad etmək vacibdir.
