Sumqayıt Musiqi Kollecində ”Bir könüllüdən min
könüllüyə” adlı layihənin 2-ci seminarı keçirilib.
Layihə Azərbaycan Respublikası Gənclər
Fondunun maliyyə dəstəyi, ASAN Könüllülük Məktəbinin və ASAN Könüllüləri
Təşkilatının təşkilatçılığı, ASAN Radionun informasiya dəstəyi ilə həyata
keçirilir.
”Bir könüllüdən min könüllüyə” layihəsinin
məqsədi ali və orta ixtisas təhsil müəssisələrində təhsil alan gənclər arasında
könüllülük fəaliyyətinin təbliği və təşviqi, sosial xidmətlər sahəsində könüllü
müraciətlərinin sayını və onların bu sahəyə marağını artırmaqdır.
Qeyd edək ki, tədbir 2 hissədən ibarət olub. Birinci
hissədə Layihə rəhbəri Nərmin Cahangirova layihə barədə tələbələrə ətraflı
məlumat vermiş, layihə spikeri Nurlan Səmədli könüllülüklə başlayan uğur
hekayəsini kollecin tələbələri ilə bölüşmüşdür. 2-ci hissədə təlimçi Rəşad
Məmmədov tələbələrə "Beynəlxalq Könüllülük proqramları və Azərbaycanda
könüllülük hərəkatı” mövzusunda təlim keçmiş və tələbələri maraqlandıran
sualları cavablandırmışdır. Sonda layihənin təşkilində fəallıq göstərən
tələbələrə və layihə könüllülərinə sertifikatlar təqdim edilmişdir.
Xəbərdən istifadə edərkən istinad etmək vacibdir.