Qaqik Yeqanyan: "Bu prosedur bir aydan üç aya qədər davam edə bilər və proses artıq yekun mərhələdədir"

Ermənistanın Miqrasiya Agentliyi azərbaycanlı ailənin Ermənistana miqrasiya etməsinin səbəblərini araşdırır.

ANS PRESS “Armenpress”ə istinadən bildirir ki, bu barədə Agentliyin rəhbəri Qaqik Yeqanyan bildirib.

Onun sözlərinə görə, agentlik Cavid Orucovun ailəsinin Azərbaycanda Cenevrə Konvensiyası ilə müəyyən etmiş əlamətlərin biri - siyasi mövqe, etnik mənşə, vətəndaşlıq və s.-dən biri üzrə təqibə məruz qalıb-qalmaması barədə araşdırma aparacaq.

Qaqik Yeqanyanın sözlərinə görə, bu prosedur bir aydan üç aya qədər davam edə bilər və proses artıq yekun mərhələdədir.

Qeyd edək ki, 29 yanvar tarixində 37 yaşlı Cavid Orucov həyat yoldaşı və 3 uşağı ilə sığınacaq almaq üçün Ermənistana müraciət edib. Ailə bu addımını ölkədə təqibə məruz qalması ilə əsaslandırıb. Təqiblər isə onun erməni əsilli Bakı sakini 31 yaşlı Röya Mirzoyeva adlı xanımla ailə qurmasından sonra başlayıb. Ermənistan KİV-lərinin məlumatına görə, Orucovun bir qədər əvvəl Avropa ölkələrinə siyasi sığınacaq barədə müraciəti uğursuz olub. Azərbaycan tərəfi hələ bu məsələyə münasibət bildirməyib.

Həyat yoldaşı erməni olan Cavid Orucovun ailəsinin gələcək taleyi ilə BMT-nin Ermənistan ofisi və Ermənistanın Miqrasiya Agentliyi məşğul olur.