Bu gün Suriyada qanlı döyüşlər yalnız Höms və Hələb şəhərləri ətrafında gedir. Hömsdan yayımlanan görüntülər ölkənin düşdüyü durumun açıq göstəricisidir.

Atəşkəs razılaşması ilə şəhəri tərk etməyə hazırlaşan insanlar, onlar üçün açılmış dəhlizdə hədəf alınırlar. Budur indi hümanitar təşkilatlar şəhərdə qalan insanları xilas etməyə, o cümlədən onları aclığ fəlakətindən qurtarmağa çalışır.

Ölkənin 4 bir yanını aclıq fəlakəti bürüyür. ANS olaraq olduğumuz bölgələrdə də eyni mənzərəni gördük. Suriyanın içinə doğru irəliləyirik. Bizi müşayət edən müxalifət üzvülərinin dağılmış evdən tapdıqları ərəb qadınının paltarı hər halda məni hücumlardan qorumaq üçün idi. Dağları irəlilədikcə ayrı-ayrı qruplaşmalara rast gəlirik. Birinə Çeçenistanlı, birinə Pakistanlı, digərinə isə Əfqanıstanlı rəhbərlik edir. Dağılmış ölkəyə üz tutan bu silahlıların kimi kimdən qoruduğu da bəlli deyil. DİN adı altında burda “Sünni”, “Şiə” davasını görməmək mümkün deyildi. Əks təqdirdə cihad edirik, deyib məscidləri bombalamazdılar.

Azərbaycanlı axtarışımız çeçenlərin rəhbərini əsəbləşdirmişdi. Hesab edir ki, döyüşə gələn geri dönməməlidir. Adicə səhvdən, səni kafir elan edə bilərlər. Budur bu da döyüşdə ölənlərin və öldürülənlərin məzarlığı. Ara sıra çıxara bildiyimiz kameranı silahlıların müşahiyəti ilə idarə edirik. Dinimiz Suriya gedən döyüşlərdə ölənləri şəhid saymasa da, bizi müşayət edən silahlıları qıcıqlandırmamaq üçün bu nüansı xüsusi vurğulamaq məcburiyyətində qaldıq.

ANS TV-nin xüsusi müxbiri, Qənirə Ataşova: “Bura müharibədə şəhid olan qəbirstanlığdır. Gördüyünüz bu ərazidə dəfn edilənlərin hamısı şəhidlərdir. Hazır qəbirlər isə növbəti şəhidlərini gözləyir”.

Məzarlıqda dəfn edilənlərin əksəriyyəti Çeçenistan və Dağıstandan olan mücahidlərdir. Aralarında yalnız bir Azəri Mahmud adlı qəbirə rast gəldik. Telefon əlaqəsində olduğumuz azərbaycanlılar isə əsasən Hələb şəhəri ətrafında cəmləşdiklərini dedilər. Hələbə giriş isə nə müxalifətin, nə də Bəşər Əsəd qüvvələrinin nəzarətindədir. Ölkənin bu hissəsini, indi özünü elan etmiş Şam İraq dövləti idarə edir. Bizim Azərbaycanlılar da məhz bu silahlıların tərkibində döyüşürlər.