Artıq 26 ildir ki, 1988-ci ildə Sumqayıtda baş verən hadisələrin tədqiqi ilə məşğul olan tanınmış jurnalist, publisist Eyruz Məmmədovun yeni kitabı çapdan çıxıb. “Dama Pika” adlanan romanda Sumqayıt hadisələrindən bəhs edilir. Eyruz Məmmədovun "Dama Pika" adlı yeni romanının fevralın 15-də saat 11-də Səməd Vurğun adına Sumqayıt Şəhər Mərkəzi Kitabxanasında müzakirəsi keçiriləcək. Arzu edənlər iştirak edə bilərlər. 

O,  “28-dən 29-na keçən gecə”, “Erməni təxribatı”, “Sumqayıtda ermənilərin qanlı aksiyası”, “İyirmi ildən sonra”, “Sumqayıt hadisələrinin sirləri” kitablarının da müəllifidir. Əsərləri rus, alman və ingilis dillərinə tərcümə olunub. Eyruz Məmmədov həm də “Sumqayıtın əks-sədası” tammetrajlı, “Sumqayıtın əks-sədası-2”, “Sumqayıt” sənədli filmlərinin ssenari müəllifidir. Sumqayıtda baş verən hadisələrlə bağlı onun məqalələri Rusiya, Türkiyə, Almaniya və İngiltərə mətbuatında çap olunub.

Xeberle.com