"Əmək pensiyaları haqqında” qanuna təklif edilən dəyişikliklərə əsasən Azərbaycanda minimum pensiyanın məbləği 2019-cu ilin oktyabrın 1-dən 160 manatdan 200 manata çatdırılacaq.
Xeberle.com xəbər verir ki, bu barədə Əmək və Əhalinin Sosial Müdafiəsi nazirinin müavini Anar Əliyev bildirib.
Nazir müavini deyib ki, təxminən 25 faiz artım nəzərdə tutulur və 700 minə yaxın insanı əhatə edəcək. Onun sözlərinə görə, 1 oktyabr 2019- ci il tarixdən etibarən ölkədə 200 manatdan aşağı minumum pensiya alan vətəndaş olmayacaq. 200 manatdan yuxarı pensiya alanların isə pensiyasında dəyişiklik edilməyəcək.
Qeyd edək ki, Prezident İlham Əliyevin imzası ilə Milli Məclisə "Əmək pensiyaları haqqında” qanuna dəyişiklikləri nəzərdə tutan qanun layihəsi daxil olub.
Xəbərdən istifadə edərkən istinad etmək vacibdir.
